NATURMANGFALDÅRET 2010

I år er det Naturmangfaldåret. Markeringsåret er internasjonalt. Naturmangfald er naturen i alle sine former. Studiar viser at tapet av naturmangfald er større no enn nokon gang tidlegare. I 2010 skal innsatsen aukast for å stansa dette tapet. På nettsida www.naturmangfoldaret.no er det mykje informasjon om naturmangfald. Her er blant anna informasjon om artar. Og her kan du vera aktiv ved å leggja inn artsopplysingar, dela din historie eller vera med i fotokonkurranse.

 NATURMANGFALDSLOVA

I fjor vart naturmangfaldslova vedteken. No er det forslag om forkrifter for prioriterte artar (12 stykk) og utvalde naturtypar (5 stykk). I Sveio kjenner me berre til ein av kvar: Stor salamander som er foreslått som prioritert art og hole eiker som er foreslått som utvald naturtype. Det er meir å lesa om dette på Direktoratet for naturforvaltning sine heimesider på www.dirnat.no.

 KARTLEGGING AV NATUR I SVEIO

I Sveio har me kartlagt naturtypar og viltet. På linkane nedafor kan du sjå kart og rapportar frå kartleggingane.

 FOTO

Me ynskjer gjerne foto av naturen i Sveio. Det kan vera av insekt, dyr, planter, landskap og anna frå den mangfaldige og flotte naturen i kommunen vår. Foto kan sendast til postmottak@sveio.kommune.no. Hugs å gje opp namn. Bruk av foto vert avtalt nærare.

 MEIR INFORMASJON FINN DU HER

www.naturmangfoldaret.no

www.artsdatabanken.no

www.artsobservasjoner.no

www.dirnat.no

Artikkel i Fagbladet nr 6-7 2010: "Biologisk mangfold":    -

Naturtypar i Sveio:                                                       -

Viltet i Sveio:                                                              -