|
|
|
|
SVEIO NÆRINGSSERVICE tilbyr gratis hjelp til deg som vil etablera deg i Sveio og til verksemder som ynskjer hjelp til utviklingsarbeid eller løysing av små eller store problem.
Organisasjonen er, i tillegg til å ha ansvaret for næringsrettleiinga for Sveio kommune, ein medlemsorganisasjon med over 60 medlemsverksemder i Sveio. Me har har høgt aktivitetsnivå innan bedriftsrådgjeving, nettverksarbeid og utviklingsarbeid.
HAR DU EIN IDÉ, EI UTFORDRING ELLER TRENG KONKRET HJELP TIL OPPSTART OG UTVIKLING? Ta kontakt med dagleg leiar, Ragna Flotve: tlf: 901 01 541, e-post: ragna@sveio-nering.no
ME TEK OGSÅ GJERNE IMOT NYE MEDLEMMER! SAMAN VERT ME STERKE!
REGIONALT NÆRINGSFOND 2010 - TILDELING BEDRIFTER - NYETABLERINGAR
Samarbeidsrådet for Sunnhordland forvaltar midlar til utvikling gjennom Regionalt Næringsfond. Fondet er finansiert av Hordaland fylkeskommune og skal medverka til å realisera fylkeskommunale mål for utvikling, særleg innan kompetanseheving, omstilling, nyetablering, innovasjon og nyskaping i næringslivet og tilrettelegging for dette.
Prioriterte satsingsområde i Sunnhordland er energi, marin og maritim sektor, reiseliv og kulturbasert næringsutvikling. Tildeling til bedrifter - nyetableringar kan gjevast i kommunane Austevoll, Bømlo, Etne, Fitjar, Kvinnherad, Sveio og Tysnes. Det kan søkjast dekking av inntil 20 % av totalkostnaden i eit prosjekt.
For meir informasjon ta kontakt med Samarbeidsrådet på telefon 53 45 67 90 eller sjå på Samarbeidsrådet sine nettsider : www.samarbeidsraadet-sunnhordland.no
Laurdag 2. oktober inviterer organisasjonane i landbruket, Sveio kommune og Sveio Næringsservice til landbruksdag.
Marknad - kafé - fokus på landbruk og mat - auksjon
Kryss av på kalenderen! Meir info kjem når programmet er endeleg lagt.
Sveioguiden 2010 - 2011 kom ut i vår! Bruk guiden og Sveio-bedrifene for varer, tenester eller samarbeidsprosjekt.
Sjå PDF - fil på menyen til venstre
Samarbeidsrådet for Sunnhordland inviterer til nye etablerarkurs i september og oktober. Målsetjinga med etablerarkursa er å gje etableraren ei allsidig innføring i kva det inneber å starta opp si eiga bedrift, og å formidla kunnskap som etableraren treng for å kunna etablera og driva bedrifta.
Ta kontakt med Samarbeidsrådet for Sunnhordland for påmelding eller meir informasjon.
http://www.samarbeidsraadet-sunnhordland.no/no/sider/Naeringsutvikling/Etablerarkurs/
Sveio Næringsservice sitt styre for 2010 er
Thor Kinn– Leiar
Roald Hovland
Reidun Framnes
Kristi Tveitaskog / Eirik Eriksen (kommunale representantar)
Varamedlemmer:
Britt Helen Kallevik Grutle, Bjørn Kallevik
Det er no utarbeidd Regional næringsstrategi for landbruket i Hordaland. Planen viser satsingsområda for 2010 og 2011. Sjå menylinja til venstre på denne sida.
Har du ein draum om å start småskala matproduksjon eller produserer du mat i dag? Me ynskjer å etablera nettverk, der du kan møta andre innan bransjen. Her kan du få råd, opplæring og nye samarbeidspartnerar. Anten du er etablert eller i idefasen kan du delta i nettverket.
Me treng kontaktinfo for å invitera deg til møte seinare i haust!
Ring 901 01 541 eller send ein e-post til ragna@sveio-nering.no
SNU arrangerer seminar om Miljøteknologi og forretningsmuligheiter for industrien i Sunnhordland 20. august. Seminaret vert på Stord. Sentrale nasjonale aktørar innan forsking, industri, politikk og miljørørsla kjem.
Meir informasjon, program og påmeldingsinfo finn du her: www.snu.as/no/
Sveio kommune, i samarbeid med landbruks-organisasjonane og Sveio Næringsservice, arrangerer landbruksdag 5. september. Her skal verksemder og organisasjonar ha stand, og det vert lagt opp til ulike foredrag. Sveio Næringsservice organiserer eit opplegg innan foredling av mat. Matattaché Gunnar Nagel-Dahl frå Fylkesmannen i Hordaland og Mattilsynet, avdeling Haugalandet deltek
NAV Arbeidslivssenter vil setja opp ein serie kurs om Inkluderande Arbeidsliv i haust. Kursa, på tre og fire timar, er gratis for deltakarane, og blir arrangert på dagtid.
I Sveio er desse datoane sette opp: 15.september: Innføring i IA - Kjell Molvær/Svein Stavland 01. oktober: Sjukefråværsoppfølging Ingunn Wiik Djønne/Arne Revheim
Påmelding til NAV: www.iakurs.no
Sveio Næringsservice, i samarbeid med Sveio kommune,
ynskjer interesserte gardbrukarar i Sveio og Etne velkomne til møte om mogeleg satsing på BIOGASS
måndag 9. februar klokka 12.00
Møtet startar med enkel lunsj.
Meld deg på til ragna@sveio-nering.no eller tlf. 90101541
innan torsdag 5. februar.
Sveio Næringsservice oppfordrar alle næringsdrivande til innspel til kommuneplan for Sveio kommune.
Stikkord til tema for innspel finn du på menyen til venstre.
Kommuneplanen er ein overordna plan som regulerer kommunen sin arealbruk dei komande fire åra og som synleggjer langsiktige strategiar for kommunen. Det er viktig at næringslivet er aktivt med på planleggingsprosessen, særleg på arealsida.
Du har høve til å kome med innspel fram til 1.mars.
Merk meldinga med ”Merknad til kommuneplanen”, og send til
Sveio kommune
SNU AS arrangerer, i samarbeid med BI, kurs i styrekompetanse på Stord i løpet av våren.
Tidspukt for kurset er: 27-29 april og 09-10 juni.
Kurset skal gje kunnskap om sentrale problemstillingar og teoriar som har medverknad for praktisk utøving av styreverv i privat og offentleg sektor. Sentralt i kurset er forståinga for samanhengen mellom verksemda sine overordna styringsimpulsar (visjonar / strategiar), verksemda sitt styringssystem (organisatoriske, juridiske og økonomiske forhold), den praktiske organiseringa og prosessane i styrerommet.
Nettsida ukeavisenledelse.no publiserer i dag ein artikkel, der ein har fokus på kor viktig det er å ha orden på stategiar og budsjett for 2009, om ein skal klara seg gjennom finanskrisen.
Økonomisk rådgjevar i Småbedriftsforbundet Arild Olav Torp seier til nettstaden:
– I gode tider legges grunnlaget for konkursene, pleier jeg å si. Mange bedriftsledere får en slappere holdning til mange forhold i selskapet i gode tider. Nå må de skjerpe seg.
SNU INVITERER TIL MØTE MED FOKUS PÅ NYE MULIGHEITER INNAN MILJØTEKNOLOGI FOR NÆRINGSLIVET I SUNNHORDLAND 5. Februar kl 1000 – 1230 (inkl lunsj).
Møtet blir på Stord Hotell.
Meld deg på til: hege.okland@snu.as innan 1. februar 09
Sveio Næringsservice fyller 10 år i år. 22.oktober møtte feststemte medlemmer til jubileumskafé på Ryvarden. Me starta med eit møte der me såg attende på næringsutviklinga i Sveio, og kom med innspel til vidare arbeid. Det kom fram mange positive og konstruktive innspel. Mellom anna kom det ynskje om å få til eit leiarnettverk. Dette vil me fylgja opp raskt.
Etter møtet samlast me rundt middagsbordet til hyggeleg måltid og mange og gode talar.
Sveio Næringsservice oppfordrar bedrifter i Sveio til å ta imot 10. klasse på bedriftsbesøk i haust.
Haugaland skole og arbeidsliv organiserer dette, og interessert bedrifter kan ta direkte kontakt med dei.
Sveio Næringsservice arrangerte årsmøte torsdag 24. april 2008.
Det var svært godt frammøte.
Nytt styre er:
Leif Grutle, Straumøy Gard - leiar
Thor Kinn - Haukås bensinstasjon AS
Ingfrid Rossebø - Kolibri Konsept AS
Kristi Tveitaskog - Sveio kommune
Eirik Eriksen - Sveio kommune
1. vara: Torbjørn Selsås - Boligbyggeren AS
2. vara: Kjell Hovland - Multimekanisk AS
Etter sjølve årsmøtet hadde me temamøte med tittelen
Servicekommunen Sveio - Sveio Service.
Jan Arne Igelkjøn innleia, og Odd Henry Dahle og Thor Kinn hadde korte innlegg, før me hadde ein runde med diskusjon omkring emnet. Temaet vil verte fylgt opp på servicekurset etter sommarferien.
Den første utgåva av SveioGuiden er no sendt til alle hus og hytteeigarar i Sveio, og vert i desse dagar frakta til butikkar, offentlege bygg og andre stader der folk ferdast. SveioGuiden inneheld bransjeregister med NAMN og TELEFONNUMMER til mangfaldet av verksemder i Sveio, i tillegg til mange annonsar, informasjon frå Sveio kommune og notisar med fokus på næringsutvikling i Sveio.
Sveio Næringsservice håpar at du vil bruka heftet aktivt!
Sveio Nærinsservice arrangerer næringskafe i Albatrossbygget ved golfbanen torsdag 28. februar klokka 19.
Det blir informasjon om anlegget, annan næringsinformasjon, god mat og sosialt samvær.
Velkomne!
Meir informasjon og påmelding til Ragna Flotve innan tysdag 26. februar.
Språk og identitet heng saman.
Nynorsk er eit godt marknadsføringsspråk, fordi ein på godt nynorsk kan bruka setningar som er klåre, lette og munnlege i stilen. Det er laga eit lite hefte, som skal gjera livet lettare for deg som vil laga god marknadsføring på nynorsk.Heftet Blest inneheld skriveråd, nynorske avløysarar for vanlege bokmålformuleringar, råd om teiknsetjing og mykje anna nyttig.
Du kan få heftet hos Sveio Næringsservice
Tomo Trading arrangerer, i samarbeid med Samarbeidsrådet for Sunnhordland og SNU, miniseminar om Nettbutikkar torsdag 1. november klokka 12 - 14.
Målretta prosjektutvikling gjev gjennomføringskraft.
Innovasjon Norge har sidan 1994 stått bak utviklinga av PLP. Den byggjer på praktisk erfaring frå fleire hundre utviklingsprosjekt innan offentleg og privat sektor. SNU planlegg i samarbeid med PLP Utvikling gjennomføring av eit PLP- kurs i september, i veke 37 eller 38. Kurset går over to dagar. SNU har tidlegare gjennomført fleire PLP-kurs med deltakarar frå næringsliv, høgskule og kommune. Interesserte kan kontakta Ragna Flotve eller SNU direkte (jostein.sydnes@snu.as)
Sveio kommune skal, i samarbeid med Sveio Næringsservice, setja i gang eit omfattande arbeid for å betra rådgjevingstenesta for næringslivet.
Landbruks- og matdepartementet løyver 150 000 kr til eit kommunalt prosjekt knytt til betra rådgjevingstenester i landbruket. Eit regionalt utviklingsprosjekt i Sveio kommune i Hordaland skal skape eit meir samla kompetansemiljø for næringsutvikling. Ein har også søkt om regionale og fylkeskomunale midlar til arbeidet. Styrking av gründerkulturen og foreldling av reiselivstilbod og matvarer er viktige stikkord i satsinga.
Ung Etablerar i Sunnhordland
Hausten 2007 arrangerer SNU og Samarbeidsrådet for Sunnhordland samlingar for unge mellom 19 og 30 år som går med ein draum om å starta eiga verksemd.
Er du mellom 19 og 30 år og ynskjer å læra meir om det å starta eiga verksemd?Gjennom fire samlingar hausten 2007 vil du få kjennskap til og auka forståing for det å etablera eiga verksemd og auka føresetnadene for å lukkast med dette.Deltakarane vil få oppfølging av mentor mellom samlingane. Kurshaldarane er erfarne personar med røynsle frå etablerarrådgjeving og drift av eiga verksemd. Kva tid?Arbeidssamling 1: 26. og 27. september inkl. overnatting Skånevik FjordhotellArbeidssamling 2: 9. oktoberArbeidssamling 3: 29. oktoberArbeidssamling 4: 15. november inkl. avslutning om kveldenKva kostar det?Det er eigendel på heile kurset på berre kr. 1000,- inkl kursmateriell, overnatting og servering.I tillegg må ein pårekna eventuelle reisekostnader. Korleis kan eg melde meg på?Send ein e-post til SNU AS ved Jostein Sydnes, jostein@snu.as, og fortel kort om kvifor du ønskjer å melde deg på etablerar-kurset. Søknadsfrist er 31. august 2007. Har du spørsmål om kurset eller ynskjer du ytterlegare informasjon, ta kontakt med Samarbeidsrådet på tlf. 53 45 67 90 eller SNU AS på tlf. 53 40 15 50.
Oversiktskart og kart over dei ulike næringsområda i Sveio er no komne ut på Sveio Næringsservice sine sider. Sjå i menyen til venstre.
Den sentrale plasseringa midt mellom Stord og Haugesund, gjer Sveio til ein attraktiv stad for næringsetablering. I kommuneplanen er det sett av 9 næringsområde spreidd over det meste av kommunen. Det er næringsareal langs E 39 i Førde, ved golfbanen i Sveio og tett opp mot Haugesundsgrensa på Ekrene.
Ein har i det siste merka stor pågang frå bedrifter som ynskjer å etablera ny verksemd i Sveio eller som vil flytta bedrifta si hit.
|
|
|
| Kontaktinformasjon |
|
|
|
Sveio Næringsservice BA
|
|
Albatross, ved Sveio Golfpark
|
|
Boks 46
|
|
5559
Sveio
|
 |
|
|
|
|
|
|
|
|