Kven kan få tilbodet?
Flyktningar i alderen 18-55 år som vert busett i Sveio kommune etter avtale med utlendingsmyndighetane (Imdi) har rett og plikt til å delta i introduksjonsprogrammet.
Viss du busett deg utan at dette er avtalt med kommunen, mistar du retten til å delta i introduksjonsprogrammet og får ikkje introduksjonsstønad.
Korleis få tilbodet?
Du kan ta kontakt med NAV-kontoret i Sveio for råd, rettleiing og for å søkje om deltaking i introduksjonsprogrammet.
Kva tilbyr vi?
Gjennom dette programmet vil du lære norsk og få kunnskap om det norske samfunnet. Du vil også få prøve deg i arbeidslivet. Målet med introduksjonsprogrammet er å hjelpe deg ut i jobb eller utdanning, slik at du kan klare deg sjølv økonomisk.
Du får:
-
Tett oppfølging.
-
Praktisk opplæring i norsk språk og samfunn.
-
Hjelp til å starte utdanning eller komme i arbeid.
-
Økonomisk stønad tilsvarande to gonger Folketrygdens grunnbeløp.
Programmet er på heiltid, som en vanlig arbeidsveke, og varer i inntil to år.