Målsetting med tenesta
- Rask psykisk helsehjelp - tidleg innsats når livet av ulike grunnar er utfordrande.
- Støtte og rettleiing for betre meistring av psykiske vanskar, belastningar, traumer og kriser - individuelle samtalar.
- Drøfte utfordringar - og bistå med å finne ut kva ein kan endre på for å oppnå betre livskvalitet.
- Førebyggje langvarige psykiske vanskar.
Kven kan få hjelp ?
Tilbodet er retta mot menneske som har psykiske helseproblem – du kan søkje hjelp både om du har langvarig psykisk sjukdom, om du har kortvarige psykiske vanskar – alvorlege eller lettare problemstillingar. Psykisk helseteneste tilbyr veiledning/støttesamtalar med spesialsjukepleiar, og annan oppfølging dersom det er behov for det. Tenesta, som består av tre spesialsjukepleiarar innan psykisk helsearbeid, samarbeider tverrfagleg med andre instansar når det er relevant, og dersom tenestemottakaren samtykkjer i det.
Både vaksne og barn kan få tilbod om psykisk helsehjelp frå Psykisk helseteneste, og det er kostnadsfritt. ( sjå også info om Psykisk helse for born og unge )
Kontaktinformasjon til psykisk helseteneste
Alle som har behov for psykisk helsehjelp / samtale med psykiatrisk sjukepleiar kan ta direkte kontakt og be om avtaletime. Fastlegen, skulen, familie / pårørande og helsesøster kan også formidle kontakt med tenesta dersom ein samtykkjer til det.
Utanom kontortid er det LEGEVAKTA du må henvende deg til: 116 117
Telefonnummeret til Psykisk helseteneste er: 53 74 82 21 / 82 23
Avdelingsleiar Psykisk helseteneste:
Bente Hovland Johannessen
e-post: bente.h.johannessen@sveio.kommune.no
Telefon: 53 74 82 21 (tirsdag og torsdag), mobil: 90 87 53 87 (alle kvardagar)
Psykiatrisk sjukepleiar Ingunn Rydningen 53 74 82 23
Psykiatrisk sjukepleiar Nancy Bøhn Helgesen 53 74 82 21
Dersom du har behov for helsehjelp frå fleire instansar (treng eit samansett hjelpetilbod) eller har behov for langvarig psykisk helsehjelp, må du søkje skriftleg til Sveio kommune v/Tenestekontoret, Løkjavegen 35, Sveio Omsorgssenter, 5550 Sveio
Søknadsskjema (PDF, 167 kB)
Kriseteamet
Spesialsjukepleiar innan psykisk helse, prest og lege er basisgruppa i kriseteamet. Andre fagpersonar kan tiltre i teamet etter behov. Kriseteamet kan ved større krisehending tilby krisehjelp til enkeltpersonar eller familienettverk og andre grupper når dei involverte opplever å ha behov for fagleg hjelp og støtte gjennom ei krise. Når barn er involverte kan også helsesøster delta i kriseteamarbeidet.
Kriseteamet kan også tiltre utanom kontortid dersom det er behov for det. Teamet inngår ikkje i vaktordning, og må utanom kontortid kontaktast gjennom legevakt, politi, vakthavande prest eller kriseleiinga i kommunen