Korona – Testing, vaksine og generell info

Regjeringa har fjerna alle forskriftsfesta smitteverntiltak og anbefalingar. Oppdatert informasjon frå overordna styresmakter finn du på regjeringa sine nettsider.

Dersom du føler deg sjuk er du anbefalt å halda deg heime, uavhengig av årsak. Sjå FHI sine nettsider for meir informasjon.

Berre kontakt helsevesenet dersom du treng helsehjelp. Utanom opningstidene for din fastlege kan du kontakta legevakta på 116 117.

Informasjon om testing og behandling

Testing

Testsenteret blir lagd ned

Testsenteret blei stengd 1. mai 2022.

Ikkje lenger anbefaling om sjølvtest

Helsestyresmaktene har gått bort frå anbefalingar om testing. I ein overgangsperioden vil det likevel vera mogleg å gå gratisk sjølvtestar for dei som ønsker det.

Du kan henta sjølvtestar på følgande stader:

I inngangshallen på Sveio kommunehus (Sveiogata 70):

Måndag–fredag: kl. 08.00–15.30

Ved skular og barnehagar i Sveio kommune (dersom du har barn i den aktuelle skulen/barnehagen).

Nærbutikken Valevåg (i opningstidene)

Det er ikkje lenger nokon karanteneanbefalingar ved positiv sjølvtest. Den generelle anbefalinga er at ein held seg heime dersom ein føler seg sjuk, uavhengig av årsak.

Registrering av positivt resultat

Positivt resultat skal ikkje lenger registrerast.

Oppdatert 20. september 2022

Kor kan eg henta hurtigtest/sjølvtest?

Helsestyresmaktene har gått bort frå anbefalingar om testing. I ein overgangsperiode vil likevel gratis sjølvtestar vera tilgjengelege for dei som ønsker det. Desse kan hentast her:

I inngangshallen på Sveio kommunehus

Måndag–fredag:

Kl. 08.00–15.30

På skular og barnehagar i Sveio kommune

I opningstidene, dersom du har barn ved skulen/barnehagen.

Nærbutikken Valevåg

I opningstidene.

Oppdatert 20. september 2022

Behandling av korona med tablettar

Dersom du har høg risiko for å bli alvorleg sjuk av korona, kan det vera aktuelt at du får behandling med tablettar.

Tablettane, som heiter Paxlovid, reduserer risikoen for å bli alvorleg sjuk. Det er viktig at behandlinga med tablettar startar tidleg. Dersom du har høg risiko for å bli alvorleg sjuk og får luftvegsymptom, bør du teste deg for korona.

Kven vil ha nytte av tablettar?

Det er særleg tre grupper som vil ha nytte av behandling med Paxlovid-tablettar:

Dei som har alvorleg immunsvikt
Dei som er over 65 år, ikkje har fått vaksine dei siste seks månadene og har ein alvorleg sjukdom.
Alle som er over 80 år.

Kva skal du gjera dersom du får luftvegssymptom?

Luftvegssymptom er først og fremst tett nase, hoste og sår hals. Ofte har du òg feber eller vondt i hovudet.

Dersom du har høg risiko for å bli alvorleg sjuk av korona og får luftvegssymptom, bør du ta ein sjølvtest kvar dag – i inntil fire dagar.

Dersom sjølvtesten viser at du har korona, bør du kontakta fastlegen din eller legevakt. Dersom testen ikkje viser at du har korona, kan du venta med å kontakte fastlegen.

Dersom symptoma blir verre, bør du kontakte lege, sjølv om sjølvtesten ikkje viser at du har korona.

Kven har høg risiko for å bli alvorleg sjuk?

Du har høg risiko for å bli alvorleg sjuk av korona dersom:

Du har alvorleg immunsvikt, f.eks. dersom du har beinmargskreft eller lymfekreft og får medisinar som slår ut immunforsvaret.
Du er over 65 år, du har ikkje fått vaksne dei siste seks månadene, og du har ein alvorleg kronisk sjukdom.
Du er over 80 år
Du er over 50 år og har aldri har tatt koronavaksine.

Meir informasjon om kven som har høg risiko, og kva du skal gjera dersom du blir sjuk, finn du på Helsenoreg: Covid-19 - Hva er korona? - Helsenorge

Behandling med tablettar erstattar ikkje vaksine. Det beste du kan gjera for å ikkje bli alvorleg sjuk av korona er å ta koronavaksine.

Publisert 13. januar 2023

Vaksine

Generell informasjon om koronavaksinasjon

Koronavaksinasjonen i Sveio kommune er ein del av det nasjonale vaksinasjonsprogrammet, kor kommunen skal tilby koronavaksine til alle innbyggarar som ønsker det.

Vaksinen er gratis.

Folkehelseinstituttet sitt vaksinasjonsprogram

På Folkehelseinstituttet si temaside om ansvarsforhold og organisering av koronavaksinasjonsprogrammet i Noreg vil det til ei kvar tid ligga oppdatert informasjon om vaksinen.

Lurer du på om du kan/bør vaksinera deg?

Kontakt fastlegen din.

Har du spørsmål?

Ta kontakt med Servicekontoret på telefon 53 74 80 00 eller e-post postmottak@sveio.kommune.no.

Oppdatert 29. mars 2023

Kva anbefalingar er det for vaksinering i Noreg?

Dose 1 og 2

Når du er vaksinert med 1. dose, må det gå nokre veker før du kan få neste dose. Minimum tre – 3 – veker mellom 1. og 2. dose (intervallet kan variera ut frå kva vaksine som blir tilbydt

Dose 3 (oppfriskingsdose)

Dose 3 er anbefalt for alle som:

er 45 år og eldre
tilhøyrer risikogrupper
jobbar i helse- og omsorgstenesten

Friske personar mellom 18 og 44 år kan få oppfriskingsdose. Det skal gå minst 20 veker mellom dose 2 og dose 3 (oppfriskingsdosen).

Dose 4 (oppfriskingsdose)

Dose 4 er anbefalt for alle som:

er 65 år eller eldre
er i aldresgruppa 18–64 år og tilhøyrer ei risikogruppe
er i aldersgruppa 12–17 år og tilhøyrer ei risikogruppe
er gravide
(friske personar mellom 18 og 64 år kan òg få dose 4)

Det skal gå minst fire – 4 – månadar mellom dose 3 og dose 4

Les meir om kven som er i risikogrupper på Folkehelseinstituttet (FHI) sine nettsider: Risikogrupper og deres pårørende - FHI

Les meir om vaksinasjon av gravide på FHI sine nettsider: Gravide og ammende - FHI

Dersom du har gjennomgått koronasjukdom, må du venta minst tre veker før du kan få dose 4. Du får betre verknad dersom du ventar lengre; anbefalinga ligg på 3–4 månader etter bekrefta koronasjukdom.

Personer med alvorleg svekka immunforsvar følger eigne vaksineringsforløp og blir oppmoda om å kontakta Sveio kommune sitt servicekontor ved behov for vaksinasjon på e-post postmottak@sveio.kommune.no eller telefon 53 74 80 00.

Oppdatert 24. april 2024

Vaksinasjon på Apotek 1

Ved behov for vaksinasjon som ikkje kan planleggast ut frå apoteket sitt vaksinasjonstilbud ber me om at du tar kontakt med Sveio kommune sitt servicekontor på e-post postmottak@sveio.kommune.no eller telefon 53 74 80 00.

***

Kvar tysdag kan følgjande grupper få tilbod om vaksinasjon:

alle over 16 år kan få 1., 2. og 3. dose, og
risikogrupper mellom 18–64 år (4. dose)
alle over 65 år kan få 4. dose
aldersgruppa 18-64 år kan få 4. dose om dei sjølve ønsker
alle 75 år og eldre kan få oppfriskingsdose (5. dose)

Intervall på 20 veker mellom 2. og 3. dose.

Intervall på fire 4 – månadar mellom 3. og 4. dose.

Intervall på seks – 6 – månadar mellom 4. og 5. dose.

Time kan bestillast her:

Bestill koronavaksinasjon på Apotek 1

Ved spørsmål knytta til vaksinasjon, ta kontakt med Sveio kommune sitt servicekontor på e-post postmottak@sveio.kommune.no eller telefon 53 74 80 00 (alle kvardager mellom kl. 08.30 og kl. 13.00).

For vaksinasjon av barn mellom 5–11 år, ungdom mellom 12–15 år og 4. dose for ungdom mellom 12–17 år i risikorgrupper, ta kontakt med kommunen sitt servicekontor.

Oppdatert 7. september 2023

Oppfriskingsdose for hausten 2023 (Ny!)

Regjeringa har avgjort å følga Folkehelseinstituttet sitt råd, og anbefaler følgande målgrupper ein ny oppfriskingsdose i løpet av hausten 2023:

Aldersgruppa 65 år og eldre, og sjukeheimsbebuarar
Aldersgruppa 18–64 år som inngår i ei risikogruppe
Aldersgruppa 12–17 år med alvorleg grunnsjukdom
Aldersgruppa 5–11 år med alvorleg grunnsjukdom etter individuell vurdering
Gravide

Kommunen vil komma med meir informasjon om tidspunkt og gjennomføring når alt er klart.

Publisert 7. september 2023

Vaksinasjon for aldersgruppene 5–11 og 12–15 år

Sveio kommune kan no tilby koronavaksinasjon for aldersgruppa 5–11 år og dose nr. 2 for aldersgruppa 12–15 år.

Vaksinetelefonen blir avvikla f.o.m. 25. mars 2022, grunna få førespurnadar. Ved spørsmål knytta til vaksinering, ta kontakt med Sveio kommune sitt servicekontor på tlf. 53 74 80 00, alle kvardager mellom kl. 08.30 og kl. 1300.

Vaksinasjon av barn 5–11 år

Barn i denne aldersgruppa kan vaksinerast mot korona dersom føresette ønsker det.

Tilbodet vil gjelda for følgande årskull:

2010
2011
2012
2013
2014
2015
2016
Barn født i 2017 som er fylte 5 år kan få tilbod

Tilbodet er mest aktuelt for barn med kroniske sjukdommar (tilsvarande same grupper som anbefalast influensavaksine), familiar der barn har nær kontakt med personar med særleg behov for beskyttelse, barn som har auka risiko fordi dei skal flytta til eller opphalda seg i land med høgare smitterisiko eller dårlegare tilgang på helsetenester enn Noreg og barn som av andre grunnar lever i ein utsett situasjon.

Det er utarbeidd ein eigen vaksine for denne aldersgruppa levert av Pfizer/BioNTech, og det er denne som vil bli nytta under vaksinasjonen av dessa årskulla her i Sveio kommune. Denne vaksinen inneheld 10 mikrogram antigen mot 30 mikrogram antigen i vaksinen som nyttast frå 12 år og oppover.

Vaksinasjon av barn/ungdom i alderen 12–15 år

Ved 2. dose er det ein fordel med langt intervall på meir enn 12 veker etter 1. dose, for å minska risikoen for biverknadar.

Dose nr. 2 kan vera særleg aktuell for dei som har kroniske sjukdommar, har nær kontakt med utsette personar, eller skal opphalda seg i eller reisa til land som krev to dosar i koronasertifikatet for denne aldersgruppa (gjeld ikkje alle land).

Tilbod om 2. dose vil gjelda for følgande årskull:

2006
2007
2008
2009

Folkehelseinstituttet anbefaler å bruka vaksinen Comirnaty frå BioNTech/Pfizer, og det er denne som vil bli brukt under vaksinasjonen av dessa årskulla her i Sveio kommune.

Oppdatert 24. mars 2022

Oppfriskingsdose til 75+

Regjeringa har fatta avgjerd om å følga Folkehelseinstituttet sitt råd og anbefaler ny oppfriskingsdose til personar 75 år og eldre. Anbefalt intervall er seks – 6 – månadar sidan førre dose, og du kan få vaksinen på Apotek 1 i Sveio sentrum.

Time kan bestillast her:

Bestill koronavaksinasjon på Apotek 1

Har du spørsmål om vaksinasjon kan du ta kontakt med Servicekontoret på telefon 53 74 80 00 eller e-post postmottak@sveio.kommune.no.

Oppdatert 24. april 2023

Oppvekst, familie, barn og unge

Bruk av helsestasjonen, jordmor- og skulehelsetenesta

Me har no tilnærma normal drift ved helsestasjonen, hos jordmor og i skulehelsetenesta.

Me kjem til å starta opp igjen med barselgrupper etter påske; dei som det blir aktuelt for vil få brev med tilbod om å vera med i gruppa.

Har ein symptom på koronasmitte eller forkjøling, skal ein ikkje komma på helsestasjonen eller til jordmor. Kontakt oss då pr. telefon, så skal me ordna ny time eller me kan ta timen over telefon.

Telefon helsestasjon: 53 74 81 20 og 53 74 81 21

Telefon jordmor: 53 74 81 22 eller mobil 468 81 919

Oppdatert 11. mars 2022

Diverse informasjon

Nyttige lenker

Du finn mykje nyttig informasjon på informasjonssidene til Folkehelseinstituttet (FHI) og på Helsenorge.no. Ei enkel oversikt over Folkehelseinstituttet sine råd til befolkninga finn du her.

Dersom du ikkje finn svar på det du lurer på, kan du ringa Helsedirektoratet sin informasjonstelefon på 815 55 015 (kvardagar kl. 08.00–15.30). Helsedirektoratet oppfordrar til at ein les informasjon på nett før ein eventuelt ringer informasjonstelefonen.

Oppdatert informasjon om situasjonen nasjonalt finn du på regjeringa sine nettsider.

Oversikt over lokale og nasjonale info-, hjelpe- og krisetelefonar/-tenester

SVEIO

Psykisk helseteneste (for alle over 18 år): 53 74 82 23

Måndag–fredag 10.00–14.00
Spesialpedagogar/foreldrerettleiarar (tips og råd til foreldre): 951 79 336 / 412 08 161
Kontaktpersonar for barn og unge (11–18 år): 928 62 539 / 958 57 557 / 464 20 323 / 951 33 239

Måndag–fredag 14.00–21.00
Rådgiving til lokalt næringsliv (inkl. sjølvstendig næringsdrivande) via Atheno: post@atheno.no
Røde Kors Haugesund: 477 62 450

Alle dagar kl. 17.00–19.00

NASJONALT

Helsedirektoratet sin informasjonstelefon: 815 55 015
Oversikt med over 60 hjelpetelefonar/-tenester:

https://psykiskhelse.no/hjelpetelefoner-og-nettsteder

Treng du hjelp med praktiske oppgåver? – Kontakt Sveio Frivilligsentral

Sveio Frivilligsentral oppmodar dei som ønsker hjelpa til som frivillig, samt dei som treng hjelp til noko i samband med koronasituasjonen, om å ta kontakt!

I situasjonen landet no er inne i, er det mange som sit heime i karantene, og mange som er i risikosonen og som dermed bør halda seg mest mogleg heime for å unngå å bli smitta. Samstundes er det mange som kanskje har litt ekstra tid, og kunne tenka seg å hjelpa til med praktiske ting.

Kommunen og Sveio Frivilligsentral oppmodar derfor både dei som ønsker å hjelpa, og dei som treng hjelp, om å melda frå til frivilligsentralen. Frivilligsentralen organiserar arbeidet gjennom portalen Friskus. For å registrera deg som frivillig eller melda om behov for hjelp, følg denne lenka.

Oppgåver som kan vera aktuelle er f.eks. handling, lufting av hundar, utkøyring av mat frå sjukeheimen til heimebuande eldre og andre mindre, praktiske oppgåver.

Kontaktpersonar hos Sveio Frivilligsentral (måndag–fredag 08.00–16.00):

Kristianne Uri
488 81 528
kristianne.uri@bymisjon.net

Guro Røher Eriksen
488 62 318
guro.roher.eriksen@bymisjon.net

Information in English

General information

General information on the coronavirus is available in English here:

The Norwegian Institute of Public Health

The Norwegian Directorate of Health

If you do not find the information you are looking for, you may call the Directorate of Health's information line on 815 55 015.

If you feel sick, you should stay at home. If you need medical attention, contact your doctor by telephone or call the emergency out-of-hours clinic (116 117).

Updated 25th April 2022

Språk

Lesehjelp

Viktig melding