Jobbasen er for unge mellom 18 og 30 år, som står utanfor arbeidslivet og ønsker jobb. Hovudmålet til jobbasen er at den einskilde på sikt skal komma inn i utdanning eller lønna arbeid.
Jobbasen er eit tiltak som i utgangspunktet går over seks veker, men lengden på program vil bli vurdert individuelt.
Jobbasen er ein arena kor du som arbeidssøkar kan få råd og rettleiing i vegen mot jobb. Jobbasen er eit prosjekt mellom Sveio kommune og NAV og har rettleiarar som har som hovudopgåve å følga opp ungdom og unge vaksne som vil i jobb.
Kva skjer på Jobbasen:
- Du kan få hjelp til å komma i arbeid og vera i aktivitet
- Hjelp til å finna ledige stillingar, skriva CV og søknad
- Hjelp til å førebu deg til jobbintervju
- Bistand til å ta kontakt med andre deler av hjelpeapparatet
- Møta andre i same situasjon som deg og skapa nettverk
- Samtalar, råd og rettleiing
Kva blir forventa av deg som deltakar:
- At du stiller opp og deltar aktivt!
- At du møter opp til rett tid.
- At du føl reglementet for Jobbasen.
Korleis kan du melde di interesse:
- Ta kontakt med NAV Sveio, anten på tlf. 55 55 33 33, ved å skriva til oss på Ditt NAV på nav.no eller besøk NAV sine lokale i Sveio sentrum.