Hausten 2022 blei det innført 12 timar gratis kjernetid i SFO for elevar på 1. trinn. Frå hausten 2023 gjeld dette tilbodet også for 2.trinn. I Sveio kommune er det tilbod om gratis plass på SFO kvar onsdag og fredag etter skuletid fram til kl. 16.30, pluss fem valfrie dagar i haust- eller vinterferien.
Dei som ynskjer plass i SFO, må registrere barnet på det tilbodet de ynskjer i søknadsportalen Visma flyt skole.
Logg inn (visma.com)
Søknadsfristen er 1.april.
For elevar på 1. og 2.trinn har vi desse tilboda:
- 1. og 2.trinn full plass (inkl. gratis kjernetid) Pris pr januar 2024: 2012,-
- 1. og 2.trinn ettermiddagstilbod (inkl. gratis kjernetid) Pris pr januar 2024: 1507,-
- 1. og 2.trinn halv veke ons. og fre. (inkl. gratis kjernetid og morgon SFO) Pris pr januar 2024: 227,-
- 1. og 2.trinn gratis kjernetid (ettermiddag onsdag og fredag) Ingen betaling
- 1. og 2.trinn halv veke mån., tys. og tors. Pris pr januar 2024: 1854,-
I tillegg kjem eventuell betaling for kost.
Det er mogleg å kjøpe SFO-plass i feriane utover dei fem dagane som er inkludert i gratis kjernetid. Ein skule kan gi ferietilbod om det er fleire enn 10 påmeldte barn. Når det er få barn det er søkt SFO for i feriane, kan det bli aktuelt å gi eit samla tilbod for barn på ein anna skule. Informasjon om søknadsfrist for ferie-SFO for dei med gratis kjernetid vil bli sendt i Visma Flyt skole.