Møtestad: Kommunestyresalen
Møtetidspunkt: Tysdag 28. juni kl. 18.00
I sak KOM-050/22 datert 18.05.2022 blei det gjort vedtak om å leggja forslag til kommunedelplan for Sveio sentrum 2022-2034 ut til offentleg ettersyn i medhald av §11-14 i plan- og bygningslova.
Kommunedelplanen skal vera eit overordna styringsverktøy som skal leggjast til grunn ved planlegging, forvaltning og utbygging av sentrum.
Sveio kommune starta opp arbeidet med å revidera gjeldande kommunedelplan for Sveio sentrum i mai 2015. I planforslaget er planområdet utvida for å sikra ei planlegging som ser på samanhengane mellom sentrum og områda omkring for å skapa eit meir heilskapleg bilete av planen. Kommunedelplanen for Sveio sentrum skal leggja til rette for god fordeling og bruk av areala i og rundt sentrum slik at dei gode områda for mellom anna landbruk, friluftsliv og fritidsaktivitetar ikkje blir bygd ned i framtida. Samstundes må det leggjast til rette for vidare utbygging av både bustader, handels- og service funksjonar, anna næringsliv og offentlege tenester. Rett arealføremål på rett stad er utgangspunktet for planarbeidet. Sveiogata som går gjennom sentrum har vore sentral i planleggingsarbeidet for å sikra godt tilgjenge til heile sentrum og tilboda der.
Følgjande dokument inngår i høyringa:
- Plankart
- Planføresegner
- Planomtale
- Risiko- og sårbarhetsanalyse (ROS)
- Fareidentifisering
- Sårbarheitsvurdering
- Konsekvensutgreiing (KU) m/ vedlegg
- Klimaendringar og klimatilpassing
- Vurdering av gjeldande reguleringsplanar i sentrum
- Kunnskapsgrunnlag – miljøtema
- Kunnskapsgrunnlag – risiko
- Stadanalyse for Sveio sentrum
- Barnetråkkregistreringar i Sveio kommune
- Innspelsliste til kommunedelplan for Sveio sentrum
- Rapport frå arbeidsmøte
Planforslaget er å finna på kommunen si heimeside http://www.sveio.kommune.no/hoyringar-og-kunngjeringar/ og i Sveio offentlege servicekontor på Sveio kommunehus.
Aktuelle høyringsinstansar blir varsla særskilt.
Merknader til planforslaget kan sendast til postmottak@sveio.kommune.no eller Sveio kommune, postboks 40, 5559 Sveio innan 25.08.2022.