Helsing frå ordførar

Sveio kommune ligg strategisk til midt i ein sterk region. Her rekk du arbeidsplassar i eit stort  omfang.  Bu på landet nær byen i idylliske bumiljø, sentralt eller meir spreidd.

Jorunn Skåden - Klikk for stort bileteJorunn Skåden Me ligg midt i leio mellom byane Haugesund og Stord, Bergen og Stavanger.  Vårt motto « Vilje til vekst-ein god stad å bu» har slått til, og me kan gleda oss over jamn tilflytting.

Landbruket står sterkt i vår kommune. I tillegg har me viktige  næringsaktørar som Lek og Park, Helifuel, Haugaland Storhusholdning, Ølen betong Sveio, Sunnhordland Planteskule, Halleland Entreprenør og Fjon Bruk.

Vår flotte natur med nærleik til fjordar , fjell og mange innlandsvatn, inviterar til gode  opplevingar og utflukter.

Vårt rike organisasjonsliv gjer det muleg for store og små  å vere aktive  på fritida. Her finn du mange greiner innan idrett, aktive 4- H lag, fleire musikkorps og kor.

Våre viktige  kulturfyrtårn er  Ryvarden Kulturfyr, Valenheimen og  Haugaland Golfbane, Sveio.

Vår kommune nærast doblar innbyggjartalet i sommarhalvåret. Våre idylliske hyttemiljø ligg langs fjordarmar og i lune vikar.

Besøk gjerne våre kulturfyrtårn , ta ein padletur i fjorden  og i idylliske vatn, eller rett og slett besøk vårt kommunesenter for ein handel eller eit kafebesøk.

Om ordføraren

Jorunn Skåden (AP) er ordfører i Sveio kommune. Ho blei vald i kommunestyret sitt konstituerende møte den 26. oktober 2015. Ho var også ordførar for Sveio kommune i perioden 2003-2011.

Ordføraren leier kommunestyret sine møter og er kommunen sin rettslege representant. Ho er også kommunen sin fremste folkevalde representant og kommunen sitt ansikt utad.

Jorunn Skåden er fødd og oppvaksen i Sveio. Ho er lærar av yrke.

Publisert av Vibeke Berge Vierdal. Sist endra 28.09.2017

Kontakt

Jorunn Skåden
Ordførar