Servicekontor har desse tenestetilboda:
-resepsjon og sentralbord
-informasjon og rettleiing
-politisk sekretæriat
-bustønad - gå til informasjon om bustønad
-startlån, andre kommunale lån og tilskot - gå til informasjon om lån
-skjenkeløyve - gå til informasjon om skjenkeløyve
-salsløyve - gå til informasjon om salsløyve
- årleg innrapportering av alkoholomsetning - gå til skjema for innrapportering
-kunnskapsprøve om alkohollova - gå til informasjon om kunnskapsprøve
-parkeringsløyve - gå til informasjon om parkeringskort
-barnehageplass
-sal av bøker
-sal av kommunale tomter
Arkivteneste
I Sveio kommune er arkivtenesta ein del av oppgåvene i Servicekontoret, organisert under leiar for organisasjon og personal.
Arkivtenesta har det overordna faglege arkivansvaret for kommunen si informasjons- og dokumentasjonsforvalting og har støttefunksjon når det gjeld rutinar, opplæring og arkivfagleg rådgjeving til kommunen si leiing og alle avdelingar.
Arkivtenesta har og ansvar for dagleg drift og kvalitetssikring av kommunen sitt saks- og arkivsystem og ein del fagsystem. Systema er med på å sikre at kommunen utfører oppgåver i samsvar med reglar for arkiv og offentlegheit. Samstundes som vi skal sikre ei ope forvaltning, skal vi og ta vare på våre innbyggjarar sin rettigheitsdokumentasjon.
Sveio kommune har i hovudsak elektroniske arkiv, vi er medlem av Interkommunalt Arkiv Hordaland og det meste av papirarkiva er deponert hos dei.
Sveio kommune ønsker at innbyggjarane skal ha høve til å følgje med på kva som skjer i kommunen vår og vi har postliste med fulltekstpubliserte dokument tilgjengeleg via innsyn.
Dagleg vert all arkivverdig dokumentasjon skanna og journalført i vårt sak-/ arkivsystem og det er via dette systemet sakshandsamarane mottek posten sin. Dette gjeld både brevpost, e-post og anna elektronisk post.
Postlista vert oppdatert kvar virkedag, med nokre virkedagar forseinking, slik at vi kan kvalitetssikre og kontrollere dokumenta før dei vert publisert på nett.
Gå til postliste til Sveio kommune
Tenk på dette før du sender post til Sveio kommune:
- All inngåande post, utgåande post og interne notat er offentleg, om ikkje dokumentasjonen har innhald som er underlagt teieplikt.
- Offentleg post er tilgjengeleg på internett via postlista til kommunen. Det vil seie at både du og andre kan lese brevet ditt eller e-posten din på innsyn.
- E-post til kommmunen bør innehalde fullt navn, men ikkje andre personopplysningar som til dømes fødselsnummer. Sensitiv informasjon om helse og diagnoser skal ein ikkje sende pr. e-post.
På heimesida vår har vi og fleire elektroniske skjema som ein kan fylle ut og sende sjølv om det inneheld sensitiv informasjon.
Les meir om publisering av dokument - §7 i offentlegforskrifta
Spørsmål om innsyn kan rettast til servicekontoret tlf. 53 74 80 00 eller postmottak@sveio.kommune.no
Du har rett til å krevje innsyn i offentlege dokument. Alle saksdokument i kommunen er offentlege, om det ikkje er gjort unnatak som er heimla i lov. Kommunen skal likevel vurdere om dokument som ikkje er offentlege, heilt eller delvis kan gjerast kjende (meirinnsyn).
Krav om innsyn skal vi svare på så raskt som mogeleg. Det kan eit par dagar å finne fram dokumentasjonen. Har du ikkje fått svar innan fem dagar, er det å sjå på som avslag og du kan klage skriftleg til kommunen.
Ber du om innsyn i klientmapper, vil vi føreta kontroll av identitet før vi sender dokumentasjonen.
I offentleglova kan du lese meir om rett til innsyn i offentleg verksemd
Gå til postliste for Sveio kommune
Saker til politiske møte blir publiserte i den offentlege møteplanen på nett når innkallinga er klar. Sakene blir sende ut ti dagar før møta. Dei fleste utval har møte på måndagar, dermed blir saker sende ut fredagar.
Protokollar og møtebøker blir publiserte i møteplanen så raskt som mogleg, seinast innan førstkommande fredag etter møta.
Møteplan
Folkevalde kan lesa innkalling og saker på pålogging via ID-poten i møteportalen.
Vi har opningstid mandag - fredag 08.00-15.30
Telefontid sentralbord: 08.30-13.00
Ein kan fortsatt ringa avdelingane direkte etter klokka 13.00. Direktenummer finn ein her: Tilsette - Sveio kommune