Sveio kommune har vald å sertifisera kommunehuset for å sikra ei berekraftig drift gjennom tydelege klima- og miljømål på alle område av drifta, bl.a. innan innkjøp, arbeidsmiljø, avfallshandtering og transport. Sveio folkebibliotek er òg blitt Miljøfyrtårn-sertifisert, og planen er at skulane og barnehagane i kommunen òg skal bli Miljøfyrtårn.
Under overrekkinga av Miljøfyrtårn-diplomet gav ordførar Linn Therese Erve uttrykk for kor positivt det er at me no har nok eit Miljøfyrtårn i Sveio kommune:
Eg er veldig stolt og glad for at kommunehuset vårt no er blitt Miljøfyrtårn-sertifisert.
Som kommune er det viktig å gå føre med eit godt eksempel. Ved å bli Miljøfyrtårn-sertifisert viser me kor viktig det er å setta berekraftsmåla i fokus. På denne måten er me eit godt døme og førebilete for andre verksemder. Kommunen set krav til våre samarbeidspartnerar om berekraft, miljø og klima. Ingen kan gjera alt, men alle kan gjera noko.
Du kan lesa meir om Miljøfyrtårn og sertifiseringa på stiftinga sine nettsider: Dette er Miljøfyrtårn | Stiftelsen Miljøfyrtårn (miljofyrtarn.no)
Tidlegare i år blei Haukås bilverkstad Miljøfyrtårn-sertifiserte: Gratulerer til nytt Miljøfyrtårn! - Sveio kommune